(مَست ءِ مِنَّت)
مَستانی مَلار جُزَّگ ءَ اِنت
کُونجانی کَتار جُزَّگ ءَ اِنت
کَیپ اَنت کہ زِر اَنت تَئی کَدَّہێں چَمّ
تَو ئے کہ کُمار جُزَّگ ءَ اِنت
اِے چۆنێں زَمانَہ، چۆنێں اَہدے
مِہر ءَ چَہ مَیار جُزَّگ ءَ اِنت
دْرَپشان اَنت تَئی اَنارک ءِ بام
ماہِکانی ءِ شار جُزَّگ ءَ اِنت
مِستاگ تَرا مَنی زِمینجُمب
کۆہ ءَ چَہ تَلار، جُزَّگ ءَ اِنت
گِندُکی ءِ واب مَن نَگِنداں
وَہد ءَ چَہ وَدار جُزَّگ ءَ اِنت
نۆکاپی ئے واہَگاں! بِجَلِّت
ھار ءَ گۆں پَتار جُزَّگ ءَ اِنت
ھانی ءِ کُلَہ پہ شَئے مُرید ءَ
نین چاکَر ءِ وار جُزَّگ ءَ اِنت
ھ ئے ھ ئے اِے زَمانَسازێں دُنیا
ھ ئے ھ ئے کہ دَوار جُزَّگ ءَ اِنت
شَہداد بِبیت کہ مَن اَتا شاد
مَہناز ءِ کِمار جُزَّگ ءَ اِنت
<سترُنگ><اِم>اَتا شاد