گَمی نَہ آں کہ رۆچ اێر بُکِّتَگ
اَبێتک باں بَرے بَرے
تَو گُشت رۆلَہ ءِ سَہت ءَ
“مَن ءَ را کَمبَرۆ بُگُش”
آ وَہد ءُ پاس کُج ءَ شُت اَنت
دِلاں دَوار بَدَل کُت اَنت
بلے دِل ءِ بَدَل نَبَنت
نہ رۆچ راہ ءَ مَٹّ کَنت
گَمی نَہ آں کہ شَپ دِل ءَ تَہار کَنت
مئے کَندَگاں گُبار کَنت
چۆ دَنزے ءِ وَڈ ءَ ھَمُک ھَیات ءَ رێکبار کَنت
اَناگَہا پُلّ سْرَپ اَنت
ماں آزمان ءِ رۆکێں دامُن ءَ
تَ رُژنے ءِ بَدَن سُریت
مَن ءَ تَئی ھَیال کئێت
تَو گُشتَگَت
“چۆ رۆلَہی سَہت ءَ مَن ءَ را کَمبَرۆ بُگُش”
گَمی نَباں
اَبێتک باں بَرے بَرے
وَت ءَ را کَمبَرۆ گُشاں
<سترُنگ><اِم>کَمبَر مۆبارِک