اِے لَچَّہ ءَ کارِست نێست
چَہر ءُ شُبێںے ماں نێست
نہ کہ پَریے سَوت جَنت
نہ کہ دَریگ ءِ شیشَّگاں
رُژنائی ءِ دَنزے گْوَزیت
کَیپے بَلیت
نہ زاپِرانێں ھَور ءِ لَہمێں شَنزَگے
شَوکێں نِدارَہ ءُ زِرے
نہ جَمبَرے، نہ سُورَتے
ھۆرک ءُ ھَوادَگ ھَر چِراگ
ھۆرک ءُ ھَوادَگ ھَر نِشاں
بے مَردۆمێں کَمپاںے ءِ رَنگ اِنت گُش ئے
تْرِکّ ءُ تَوارے سَر نَجَنت
نہ مانایے
کہ لَچَّہ ءَ ھَزگار کَنت
پہ جێڈَگے لاچار کَنت
اِے لَچَّہ ءَ کارِست چے
اِے لَچَّہ ءَ ھِچّ ماں نێست
<سترُنگ><اِم>کاسُم پَراز