سَر جَناں سْیاہ ءُ تَہارماہێں شَپاں راہ ءَ آں
ھَرچی کہ دُور رَواں چاراں ھما جاہ ءَ آں
مِنزِل ءَ گارێں شۆہازیگ آں نَگِنداں رَہشۆن
نێست پَزَگ پاداں گُش ئے بے وَس ءُ ساہ ءَ آں
مَن زِمین ءَ ، تَرا دَر گێجاں چِتَور آزمان ءَ
تَو گُش ئے مَن پہ تَو چۆ چاردَہی ماہ ءَ آں
مَن تَہاری ءُ مُجاں گار آں اَلَّما چۆ کۆر آں
کَہکَشاں گیوار تَئی کِشک ءِ پَدا راہ ءَ آں
یاد ءُ تَہتال تَئی زَہیر ءُ مَنی تَہنائی
تَو اَگَر زانت کُتێں بے تَو چِتَور بے ھَمراہ ءَ آں
مِنزِل نَزّیک ءَ رَسێنتَگ نی گُش ئے سُہربام اِنت
سابِر ھَنکێن ءَ رَسِت مَن ھما جاہ ءَ آں
<سترُنگ><اِم>ھاجی سابِر بَلۆچ ھَنکێں