آزَگ اَنت بۆسَگاں چِراگانی
ٹَپّ ھِنّی مُرادێں داگانی
تْرَکَّگ ءَ اَنت کَپۆتنالێں دِل
کُوکُواں زێمِرانکێں باگانی
کَسّ ماتے نَبیت نَدَنت لیلَو
چۆرَہێں لَیَڈیاں شاگانی
تاں بَِمبازیت کُہسَراں دْرینے
پُلّ دَنزێں بَنت شَماگانی
کئے بِسَنجیت مَرکَبی زێناں
باسک پْرُشت اَنت تَمَردێں واگانی
گِند کۆنجانی بۆلیاں آجِز
کْراکَگ ءَ اَنت تَب ءَ گُراگانی
<سترُنگ><اِم>مَجید آجِز