بَہرِن
30 اَکتۆبَر 1961
لالی! وَشّ ءُ جۆڈ بات ئے!
تَئی بے تَواری ءِ نیمّۆن ءَ نَزاناں! زاناں گۆں جْوانێں کارے ءَ مَرچاں دَزگَٹّ ئے کہ دِگِہ ھِچّ مۆہِت نَبیت۔
چَما گالاں رَند دِگِہ پِر بَستَگێں گال پہ مَن سَر نَبُوت۔ بَلکێں مَنی بُرُّبێں پہ تَئی گالاں باز گراں کَپتَگ؟
چَہ وَتی جاوَر ءَ زانتکار بِکَن۔ ءُ دِگِہ مِہرَبانیے بِکَن کہ مَن ءَ لَہتێں اَنچێں بَلۆچ بْراتانی نِشان ءَ نِبِشتَہ بِکَن کہ گۆں ما ءُ شُما پَجّارۆک اَنت یا کہ وَنتَگ ءُ سَرپَدێں مَردُم اَنت۔ اِے نِشاں مَنی دۆستے ءَ پَکار اَنت۔
بلے کۆشِست بِکَن ھَرچُنت زُوتِّر بیت، اِے کار ءَ بِکَن۔
تَئی پَسَّو ءِ رَہچار آں۔
تَئی
<سترُنگ><اِم>سَیَد ھاشُمی
(سَیَد نِمدی)