کَنڈێں زَنُوک، لُنٹ کاگَدێں
دَنتاں گُل ءِ مُروارِد اَنت
گِردێں سَر ءُ گیوار شَمێں
آبرێشُمێں بیک سْیاہ ءُ بَز اَنت
بُرواں کَماں، پۆنز شێپَگێں
شِلّ اَنت مِچاچ، چَمّ کَدَّہ اَنت
بالاد گُشاد، سرێں بارَگێں
لَنکُک شِپار مۆردانَگ اَنت
دُرجێں دَپ ءِ شَہدێں تَوار
چۆ کہ کَپۆت وَشنالَگ اَنت
دْرَپشیت دێم ماہێں گُل ءِ
چَہ وَت پَشَل اِستال بَنت
آ شَپ مَبات رۆچ شالا مُراد
نِند ءُ نْیاد گۆں دۆستاں کہ بَنت
<سترُنگ><اِم>مُلا مُراد