ھۆن داتَگ ءُ دْرَچک بَر کُتَگ اَنت
ما پَدا بێر کۆہاں سَر کُتَگ اَنت
اِشک وَ یَکّ بَرے بیت بَلکێں بلے
لَہتے کار اَنت کہ ما دُبَر کُتَگ اَنت
مَن مَیاریگ نَہ آن ءُ تَو اوں نا ئِے
رَنگ دُنیا ءَ بے اَسَر کُتَگ اَنت
ھِچّ تَماشا تَرا چَہ پَد نَکُتَگ
بَسّ تَئی نیمۆن ءَ چَم تَر کُتَگ اَنت
مئے مَیار اِنت کہ دو کِتابی گَنۆک
زُرتَگ اَنت آزمان ءَ سَر کُتَگ اَنت
جَنگ کَرزیت تَئی بَدَن جاناں
ما وَتی دَست ھۆن ءَ تَر کُتَگ اَنت
مئے شَپ ءِ کِسَّہاں نَزانت کَسّے
تیر پہ دُژمِناں نَپَر کُتَگ اَنت
لَہتے گَپّ اَنت کہ یَبَّرے بَنت بلے،
سَکّ نَگێگ آں کہ مَن دُبَر کُتَگ اَنت
جَنگ ءُ آشۆب ءِ نْیام ءَ بامَرداں
گِس وَتی زُرتَگ اَنت کَبَر* کُتَگ اَنت
بے وَسی بے وَسی اِنت باوَر کَن
ما تَلَب زُرتَگ اَنت سَبَر* کُتَگ اَنت
اِے وَدارے نَہ اِنت، یَکّ وَیلے پہ تَو
ھۆن شانتَگ ءُ چَمّ دَر کُتَگ اَنت
اَندَر ءَ کَسے مۆتک جَنت آزِر
تَئی تَوار ءَ نوں گۆش کَرّ کُتَگ اَنت
<سترُنگ><اِم>آزِر مُراد
<اُول کْلَسّ="وپ-بْلُکک-لیست">
<لی>کَبَر بِزاں کَبر
<لی>سَبَر بِزاں سَبر