تَو وَت ءَ را وَ ڈَنّ ءَ دَر نَکُتَگ
آس ءَ تَئی لَنکُکَنا تَرّ نَکُتَگ
مَن ھما دْرَچک آں کہ مَنی شاہاں
مُرگان اَتکَگ پَدا سَپَر نَکُتَگ
اود ءَ تَو پَر رِچ ءِ ءُ مانا بَئے
اود ءَ کَسّ ءَ وَت ءَ را سَر نَکُتَگ
آزماں گِلَّہ اِنت کہ ھَور ءَ پَد
گُلزِمین ءَ کُٹێنگ دَر نَکُتَگ
تُنّی آں، آپ ءَ تَئی جَوانی ءِ
بۆجیێں ساہِگ ءَ را تَرّ نَکُتَگ
مَن تَئی ھامۆشی ءِ بَہارگاہ ءَ
اُمرے ءَ نِشتَگاں ھَبَر نَکُتَگ
مُرگے آں مَن، بَل ءِ وَتی دُنیا
جَنگَل ءِ آزمان ءَ سَر نَکُتَگ
<سترُنگ><اِم>اَمیر دۆست