ھَیال ءِ کانچ ءِ بادگیرے شَرّ کُتَگ، تَو شَرّ کُتَگ
گۆں بے زُبانێں بانڈُماں ھَبَر کُتَگ، تَو شَرّ کُتَگ
اِے چار رۆچ ءِ زِندَگی اِنت ھَرچی دِل گُشیت بِکَن
ھما نَکُرتَگێں گُناہ دُبَر کُتَگ، تَو شَرّ کُتَگ
مَن چۆ کَدی نَگُشتَگ پَہک تَو مَن ءَ شَمُشتَگ ءِ
بَرے بَرے ھَیال گۆں مَن گْوَر کُتَگ، تَو شَرّ کُتَگ
چَہ تُنّ ءَ جُوسَرانی مُرگ آپ نَستَگێں مِر اَنت
چُشێں زِبَہرێں مۆسُم ءَ سَبَر کُتَگ، تَو شَرّ کُتَگ
تَئی نِشاں کازی گِندَگ ءَ نَیَیت ماں دَپتَراں
چَہ پَدگُشێں زَمانَگ ءَ سَپَر کُتَگ، تَو شَرّ کُتَگ
<سترُنگ><اِم>مُبارِک کازی