بْیا مَنی زِند ءِ سَدَپگوارێں ھَیالانی نِشاں
بے تَرا پَیم نَبیت واہَگ ءِ کَلمانٹێں اِناں
شَپ بِبیت شات پہ وَشَّتک ءَ پَریرَنگانی
شیر شَنزیت مَنی سَسّا ءِ زِمین ءَ مَہکاں
پہ تَرا زِند تِلَہرَنگێں اُمێتانی سَبا
پہ مَن بے اوستی ئے جَل، شَرتَگ ءُ بیر ءُ تُوپاں
ھُشکێں رَکّانی ھَمُک سْرَپتَگێں بِچکَند زَدَگ
زَیمێں دَردانی ھَمُک کۆدِکێں واہَگ بێراں
مَلکَمُوت چَہ مَن ءَ تُرسیت کہ مَنی ساہ ءَ گیپت
بارێں گِپتَگ پہ کئے ءَ مَرچی تَو زِنداپ ءِ نِکاں
مَہپَر ءِ کالکے بِبیت یا کہ تَئی سُہرێں گُشاں
شَپ چۆ مَنزُور ءِ ھَیالانی بَہِشت ءَ تالاں
<سترُنگ><اِم>مَنزُور بِسمِل