مَنی ھَیال ءِ کَہیر ءِ ٹُلّ ءَ
ھَمُک بے گاہ ءَ
شانتُلے کئێت
زَہیر نالیت
مَن ءَ را گێجیت ھَمے ھَیال ءَ
کہ تَو کُج ءَ ئے
وَتی اوں ھَنکێن ءُ جِند ءِ جاہ ءَ
دَرامَد ئے تَو
دِل ءَ مَن جێڈاں
وَت ءَ را پُرساں
بَرے مَن گْرێواں
گۆں مُراداں زِند ءِ
مَنی ھَیال ءِ کَہیر ءِ شانتُل
مَن ءَ را داِم
سِکێں دَنت اِنت
وَتی تَو جِند ءِ شُہاز ءَ دَر کَپ
پہ زِند ءِ بِچکَند ءِ راز ءَ دَر کَپ
زَیپی نالَگ
مَنی ھَیال ءِ آ شانتُل ءِ کہ
مَن ءَ را دَنت اِنت ھَمے ھَیال ءَ
دِل ءَ چَہ پُرسیت ھَمے سَوال ءَ
کُج ءَ آں مَن،
تَو کُج ءَ ئے،
مَن مۆتک کاراں
<سترُنگ><اِم>مُمتاز اِیسُّپ