کئے ماں وَیران ءَ چِراگے بالیت
دِل گَنۆکے کہ شَپ ءَ ڈۆباریت
تَو مَنی ساہِگ ءَ سارتێں آپ ئے
مَن مَباں رۆچ تَرا پیلاشیت
اَگاں نَپت ئے مَنی جۆہان ءَ بْیا!
کئے جَساں پَشت کَپیت سَہرا بیت
بْیا مَنی واہَگ ءِ گَرمێں جَنَّت
کْوَیٹَہا آس مَبیت دۆزِہ بیت
بَد ھما اِنت کہ مَنی مَرک ءَ پَد
کئێت مَنی کَبر ءِ سَرُون ءَ نالیت
ماہ ءِ سَر بیت کہ بیت رۆچ ءِ تَہ
زِند ھَرجاہ کہ بیت تَہنا بیت
شاد کہ دۆزِہ ءِ دێمپانے گُش اَنت
کَنت گُناہ ءَ ، ءُ ھُدا ءَ چاریت
<سترُنگ><اِم>اَتا شاد