Man Kotag

Ázer Morád October 29, 2024 65 views

Mehr rozwá kanag nabit, man kotag
Hecch tamáshá kanag nabit, man kotag

Pa tará áyagá bolórbadan
Keshk baddhá kanag nabit, man kotag

Jangay myáná abétkén zálbulé
Inkas zébá kanag nabit, man kotag

Tahná yakk wáhagé naent edá
Ché ché randá kanag nabit, man kotag

Gend, bechkand o padá hecch magosh
Choshén barósah kanag nabit, man kotag

É golámiay ahdá eshk o wapá
Jangay paymá kanag nabit, man kotag

"Seng o sar" áiá cháder chandhet
Chón é dáwá kanag nabit, man kotag

Kay goshit tai hóriá gón zemin
Gésh zébá kanag nabit, man kotag

Bass gón tai kessahán abétki o shap
Parchá molmá kanag nabit, man kotag

Tahná yakk mardomé pa wat Ázer
Dráhén donyá kanag nabit, man kotag

Ázer Morád

Hamrangén nebeshtag