پُلّ ءُ رَنگانی تَہا بُوتێن ءِ
نَئکِہ جَنگانی تَہا بُوتێن ءِ
ساز ءُ چَنگانی تَہا بُوتێن ءِ
تَو مَلَنگانی تَہا بُوتێن ءِ
اَنچێں کَیپے کہ دُکُلکۆچ بِکَنت
سْیاہێں بَنگانی تَہا بُوتێن ءِ
تَئی زَمانَگ چۆ بَہار ءَ سْرَپتَگ
ماہ رَنگانی تَہا بُوتێن ءِ
مَنگِہ ءُ شاں بَلۆچی اَنت تَئی
نام ءُ نَنگانی تَہا بُوتێن ءِ
زار پہ وَتکُشی ءِ زَہراپێں سَگار!
شالا زَنگانی تَہا بُوتێن ءِ
<سترُنگ><اِم>مَنزُور بِسمِل