ماں واب ءَ مَنی تْرانَگ ءَ کَپت کَنت
کِہێبانی بانُک کُج ءَ وَپت کَنت
دو پُلّ آسُمی ءِ، گُلاب ءِ دو پُلّ
وَتی ڈَکُّمێں مَہپَراں گْوَپت کَنت
اَگاں تَو بُلۆٹ ئے ھُدا ءِ سَر اِنت
اَنارکاں تَئی اِنجیرپُلّ سْرَپت کَنت
مَنی تالِہ ءِ جُست ءُ پُرس ءَ مَکَن
مَنی بَہت نۆدی شَلاں نَپت کَنت
وَتی گُڈّی پَئێگ ءَ گۆں چێر ءُ سَر اِنت
شَپ ءِ نێم ءَ کازی کُج ءَ رَپت کَنت
<سترُنگ><اِم>مُبارِک کازی