<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
گۆں آ ماڈی ءِ گِندَگ ءَ رَہگوَزیێں پادَری ءِ گامگێج کُنٹ بیت اَنت ءُ گُڈسَرا اوشتات ءُ آئی ءَ چارَگ ءَ لَگِّت۔ آئی ءِ چَمّاں اِے کَلیسایے اَت۔ آئی ءَ چَمّ لَتَرت اَنت ءُ چارِت۔ ھَو، کَلیسایے اَت۔
<!-- /وپ:پَرَگرَپہ -->
<!-- وپ:پَرَگرَپہ -->
آ دَنینگَہ ھَمِد ءَ اوشتاتَگَت کہ مُلایے ھَمے ڈَولدارێں ماڈی ءَ چارانا آئی ءِ کِرّا اَتک ءُ اوشتات۔ آ ھَم گَل اَت ءُ ھَیران اَت۔ آئی ءِ ھَیال ءَ اِے مَسیتے اَت۔
<!-- /وپ:پَرَگرَپہ -->
<!-- وپ:پَرَگرَپہ -->
دَنینگَہ آ ھَیرانی ئے جاوَر ءَ دَر نَیَتکَگَت اَنت کہ پَنڈِتے چَہ نێمَگے دَر اَتک ءُ ھَمِد ءَ اَتک ءُ اوشتات۔ آئی ءَ وَتی چَمّانی سَر ءَ باوَر نَبُوت۔ آئی ءِ دێم ءَ ڈَولدارێں مَندَرے مِکّ اَت۔
<!-- /وپ:پَرَگرَپہ -->
<!-- وپ:پَرَگرَپہ -->
پَدا دُنیا ءِ دْراہێں دینانی پێشوا چُرِّت ءُ اَتک اَنت۔ ھَریَکّے ءِ گُمان ءَ اِے ماڈی ھَمائی ءِ دین ءِ اِبادَتجاہے اَت۔
<!-- /وپ:پَرَگرَپہ -->
<!-- وپ:پَرَگرَپہ -->
“اِد ءَ بِچارِت، کَلیسایے۔ مئے دین دێم ءَ رَوان اِنت،” پادَری ءَ پہ گَل گُشت۔
<!-- /وپ:پَرَگرَپہ -->
<!-- وپ:پَرَگرَپہ -->
“ناں، اِے کَلیسایے نَہ اِنت، مَسیتے۔ مَنی ھَیال ءَ تَئی چَمّ نِزۆر اَنت،” مُلا ءَ تْرُندا تْرُند دَرّاێنت۔
<!-- /وپ:پَرَگرَپہ -->
<!-- وپ:پَرَگرَپہ -->
پَنڈِتا ٹَہک دات ءُ گُشت: “چَمّ مَنی ھَیال ءَ شُمئے دُێنانی شَرّ نَہ اَنت۔ اِے وَ مَندَرے۔ شَرّ ئِے بِچارِت۔”
<!-- /وپ:پَرَگرَپہ -->
<!-- وپ:پَرَگرَپہ -->
چِد ءُ رَند ھَریَکّ دینی رَہبَرے ءِ کَڈَبّ آپ ءَ گِراں کُت ءُ گۆش کَرّ کَنۆکێں دَپجاکے رُست۔ ھَریَکّے وَتی گَپّ ءِ سَر ءَ اوشتاتَگَت۔ دِگِہ بازێں رَہگوَزیے ھَمِد ءَ اَتک ءُ اوشتات کہ بارێں چِہ گَپّے؟
<!-- /وپ:پَرَگرَپہ -->
<!-- وپ:پَرَگرَپہ -->
پَردَگے اِے دَپجاک کُشت ءُ کُشارے ءَ سَر ءَ بِکَشّیت کہ چَہ تَماشَہ چارۆکاں مَردُمے دَر اَتک، دینی پێشوایانی نْیام ءَ اَتک ءُ اوشتات ءُ گُشَگ ءَ لَگِّت:
“مَنی واجَہێں پێشوایاں! اِے نہ کَلیسایے، نہ مَسیتے، نہ مَندَرے… اِے اِبادَتجاہے نَہ اِنت۔ اِے یَکّ نێکێں مَردُمے ءِ اَدّیرَہ اِنت کہ شُمئے چَمّاں رُستَگ ءُ ماڈیے جۆڈ بیتَگ۔”
<!-- /وپ:پَرَگرَپہ -->
<!-- وپ:پَرَگرَپہ -->
اَوَلسَرا وَ پێشوایاں باوَر نَبُوت۔ مَزَنێں جُست ءُ پَدے ءَ رَند وَہدے باوَرِش بُوت گُڈا زَہر ءَ زَہر جَوَڈانا دێم پہ وَتی اِبادَتجاہاں شُت اَنت۔ آ ھَیال کَنان اَت اَنت کہ چُشێں گَڈ ءُ مُنج کَنۆکێں ماڈی بایَد اِنت لُمبێنَگ بِبیت۔
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<سترُنگ><اِم>ناگُماں</اِم></سترُنگ>
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->