مۆسُم
سُہبی ھَور ءَ کہ دَمانے گْوَرتَگ
لَہتے جَمبَر!!!
مَنی اِیمان ءِ پُتێنکانی تَہا گَرداں بُوت
سُہبی تْرَمپانی تَوار ءَ
مَنی اَرواہ ٹۆہێنت
لَہمێں گْواتے
وَتی نازانی ھَسار ءَ جُنزِت
گُمبُدێں دْرَچکے ءِ پُلّاں
وَتی وَشبُو رێتک اَنت
پُلّ سُہرێں مَنی راہانی مُساپِر بُوت اَنت
کَمّے دێم ءَ رَو ئے زَردێں پُلّ اَنت
ھَور ءَ میسّێنتَگ اَنت
دیوالے ءِ جان ءَ واب اَنت
مَرچی مۆسُم
پہ اُمێتانی دَریگان اَتکَگ
تَو کہ سَر کَشّ ءِ
مَن ءَ مۆسُم ءِ چَمّاں چار ئے
مَن چۆ ھَورے تَئی دَروازَگ ءِ دَنزاں شۆداں
<سترُنگ><اِم>ھالِک اَرماں