مئے ھُدۆک ءُ واہَگ ءُ ھُبّانی چَمداری نَشُت
چَہ مَنی نام ءَ تَئی ٹَہلانی بے زاری نَشُت
کئێت پہ سَیل ءُ نِدارَہ آ مَنی کَبر ءِ سَر ءَ
اِینچُکێں کارے ءَ پَرچا ساہُن پَیراری نَشُت
اِشتَگَت باگێں بَہِشت ءُ لِزَّتے لۆٹِت چَہ زِند
وائے کِسمَت زِند شُت مئے اَنگَتا واری نَشُت
کُلّ شُت اَنت پاکێں مَدینَہ، ھُور ءُ تُوباِش رَسِت
تالِہ ءَ شیرێں دُکُرم ءَ چَہ وَپاداری نَشُت
تَو بِچار شانا ئِے کہ مُرتَگ اَنگَتا مَلّیت کَریم
سَر ماں ھاکاں کَپتَگ ءُ پِگر ءَ چَہ سَرداری نَشُت
<سترُنگ><اِم>کَریم دَشتی