تَئی گَمانی شَبدَیارا کَسّے تَہنا سَر بِبیت
تِنگے کَیپ اوں گۆں بِبیت ءُ کَمُّکے جَمبَر بِبیت
پہ تَئی وَرنائی ءِ زێبائیں شَہر ءَ دِل زَریت
چۆ مَبیت مئے واہَگانی کۆدِکی آسَر بِبیت
تَئی چِراگێں دێم ءِ ھاجَت بِلّ ئِے چۆ ماہ ءَ بَلیت
کَوش نَرم نَرما سُراں بیت شِنگ تَئی مَہپَر بِبیت
مَئێگ ءُ تَئی اِے سْیادیے اَنچێں ھُدا ءَ دۆست بیت
کَسّے دین ءَ دَر بِکَنت ءُ کَسّے دین ءَ دَر بِبیت
چۆ مَبیت مئے دیدَگ ءِ شَہکَور ءَ ھۆشامے بِگیپت
چۆ مَبیت تَئی ماہِکانێں شار ءِ لَمبے تَرّ بِبیت
<سترُنگ><اِم>مُنیر مۆمێں