<!-- وپ:پَرَگرَپہ -->
سُتکَگێں شَہر ءِ گُڈّی بَنیادَم
تَو کُجام اوست ءَ زِندَگ ئے بارێں
کَئی شۆہاز ءَ تَئی چَمّ راہ ءَ اَنت
راز چے اِنت تَئی نِندَگ ءِ بارێں
<!-- /وپ:پَرَگرَپہ -->
<!-- وپ:پَرَگرَپہ -->
لَڈِّتَگ کُلّێں ھَلک ءُ بازاراں
دێم پہ بے نامێں مِنزِلے رَپت اَنت
دُورسَرێں راہ ءِ دیرێگێں ھَمراہ
بے پَدێں پِگرانی پَدا کَپت اَنت
<!-- /وپ:پَرَگرَپہ -->
<!-- وپ:پَرَگرَپہ -->
مَہوَشێں کاڈ ءُ پُلگُدێں وَرنا
پُلّێں سالۆنک ءُ ٹیٹَلێں بانۆر
رُپتَگ اَنت وَہد ءِ نَنگَرێں ھار ءَ
ٹیٹَل ءُ سَید ءُ آسک ءُ گَڈّ ءُ گۆر
<!-- /وپ:پَرَگرَپہ -->
<!-- وپ:پَرَگرَپہ -->
تَو تَنی وَہدی نِشتَگ ءُ چار ئے
پْرُشتَگێں بان ءُ شِنگێں بادگیراں
گیر تَرا کاینت رَپتَگێں نَوبَت
گۆرَگێں کُلّ گۆں شاگێں مَنگیراں
<!-- /وپ:پَرَگرَپہ -->
<!-- وپ:پَرَگرَپہ -->
پاد آ پاد آ کہ اِنسِران اِنت شَپ
لاسُکێں اِستاراں تْرِپَگ زُرتَگ
جی زِر ءِ سارتێں کَوش کَشّان اِنت
شَبُّو ئے پُلّاں ھَم زَرَگ زُرتَگ
دُور چَہ زِربار ءِ دۆچێں پَندۆل ءَ
لُڈّاں لُڈَّنا ماہ ءَ سَر کَشتَگ *
<!-- /وپ:پَرَگرَپہ -->
<!-- وپ:پَرَگرَپہ -->
چۆ جَنۆزام ءِ گْرێتَگێں چَمّاں!!
زِندماں سُوگی، مَرگ پُرسیگ اِنت
سْریمُّگێں شام ءِ گْرێتَگێں چَمّاں
سُتکَگێں شَہر ءِ گُڈّی بَنیادَم
راپتَگێنانی مَنتَگێں مَہرَم
بْیا مَنی آستُونکاں بُزُور پَہک کَن
دیگَرێں بام ءِ گْرێتَگێں چَمّاں!!
<!-- /وپ:پَرَگرَپہ -->
<!-- وپ:پَرَگرَپہ -->
*کَشِّتَگ
<!-- /وپ:پَرَگرَپہ -->
<!-- وپ:پَرَگرَپہ -->
<سترُنگ><اِم>مُبارِک کازی</اِم></سترُنگ>
<!-- /وپ:پَرَگرَپہ -->