<!-- وپ:پَرَگرَپہ -->
دِل وَت ءَ چَہ دَرد ءِ شَہر ءَ دَر کَنَگ لۆٹیت
کہ دَرانڈێہ اِنت گِس ءَ واتَرّ کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
چۆ مَبیت ھَزّام ءَ ڈُکّال ءِ بِبیت آماچ
نێستی ئے دْرَچک ءَ اِے سال ءَ بَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
گۆں وَتی جَنڈێں کَباہ ءُ دِرتَگێں شالا
یَکّ پَکیرے دَرد ءِ کۆہ ءَ سَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
بَلکێں سَرگواتے بِکَشّیت تْرۆنگَلێں تَبداں
شَپ وَت ءَ لال ءِ دُنێں مَہپَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
مَرچیگێں دَور ءَ ھَمُک داںائیں اِنسان ءَ
پہ وَت ءَ سِنگ ءِ ھُدایے شَرّ کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
بِلّ ئِے شَہر ءِ شَہر پہ ما سِنگباری کَنت
یَکّ چُشێں کارے پَدا دِلبَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
شادِہ ءِ بازار چے اِنت دَہر ءِ بازار ءَ
آدَمیزات ءَ وَتی گَم گْوَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
شَرّ ءُ گَندَگ تاکہ پێداوَر بِبَنت پَہکا
زِندَگی چَکّاس ءِ رۆکێں چَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
ھَو، گۆش اَنت کہ راجدَپتَر پُشت ءُ دێم ءَ بیت
وَنتَگێں شَیرے پَدا اَزبَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
ھَو! اِے زِند ءِ جَنگجاہ ءَ پہ وَت ءَ کازی
کُبلێں بُروانے گُل ءِ ھَنجَر کَنَگ لۆٹیت
<!-- /وپ:پَرَگرَپہ -->
<!-- وپ:پَرَگرَپہ -->
<سترُنگ><اِم>مُبارِک کازی</اِم></سترُنگ>
<!-- /وپ:پَرَگرَپہ -->