مَنی پِت!
تَو کہ وَہدے چَہ دَیاراں دُورسَرێں کا ئے
دِل ءَ بَلکێں بِجێڈ ئے
پہ وَتی بَچّ ءَ مَن چے بْیاراں؟
کَسانێں رێڈُوے؟
یَکّ ٹَیپے؟
یَکّ جاپانی لَیبُوکّے؟
دو سُوٹَر؟
یَکّ کَلَمے؟
چَشمَکے؟
یَکّ راڈُو گَڈیالے گۆں جْوانێں پُچّ ءُ پۆشاکاں؟
(بلے) مَنی پِت!
چێبَری وَہدے کہ تَو پہ سَر گِر ئے مُلک ءَ
رَو ئے دَرمُلکی بازاراں
بِگِند ئے تَہر تَہرێں دْرۆشُماں
بے ھال مَب ئے اَچ مَن
کہ اِے رَندی
تَئی بَچّ ءَ را تَہنا یَکّ کَلاشَنکۆپے دَرکار اِنت
<سترُنگ><اِم>مُبارِک کازی
(جَنوَری 1983، کَراچی)