مَنی ھَیال ءِ اِسکِرینا باز پۆلڈَر اَنت، پَچ اَنت
اَکس بُن گِر اَنت ءُ لَبز مۆر بَنت ءُ پِر رِچ اَنت
یَکّ پۆلڈَرے ءَ واب اَنچۆ بُتکَگ اَنت کہ مانا ءِ وَڈ ءَ نَہ اَنت
یَکّ پۆلڈَرے ءَ آگَہی ءِ رَنگ رۆژنا نَہ اَنت
لَتا ءُ ھاِدَہ ءُ ناکُو پَیزُک ئے جِتا جِتائیں ساز ءُ سَوت یَبَّر ءَ
پِر اَنت سَر ءِ <اِم>پْلَیِرآ
یَکّ پۆلڈَرے ءَ مُلکی گَپّ ءُ مَسَلَہ اَنت
سْیاسی کار ءُ کِسَّہ اَنت
اِنکِلابی جێڈَہ اَنت
مُرید ءَ مَرچی بیست ءُ پَنچ پِدائی ئے شَہیدی ھال مَنِّتَگ
لَہتێں رۆچ اِنت ھال نێست کَمبَر ءِ
زامُراں داں بارَکانا پَوجی آپرێشَن اِنت
دُمی نێمَگ ءَ چَہ رْیاسَتی رَساندَر ءَ
"چَودَری ھِماکَت"ئے تَوار کئێت
بِجَّلِت مێشاں اَنگَتَ، بَہار کئێت
مُلک مَرچاں اێمِن اِنت
گۆں شَیر ءُ گال ءُ گُشتِناں کہ پۆلڈَرے ءَ کازی اِنت
نہ مَردُماں چَہ دِلجَم اِنت
نئے وَت ءَ چَہ رازی اِنت
کہ باری ءَ مَن ءَ را بِلّ وَت ءَ را اوں نَمۆکِتَگ
گۆں بے مَڈاہێں کَندَگاں
گۆں کۆچَرائیں کُنَّتاں
واہ کَپۆت، واہ تَئی مال ءِ، واہ تَرا
اِے دانچۆپێں نَوبَت ءَ را چۆپَگی اِنت ھَر وَڈ ءَ
یَکّ پۆلڈَرے کہ سَنجے ءِ رِہاماں چێر تَرِّتَگ
یَکّ باریے اَگاں شُتَگ، گُش اَنت دُبَر نَتَرِّتَگ
اِے زِندَگی ءِ مۆلُم اِنت پہ وَت ءَ زَہیری اِنت
کہ پێچ وارت چۆ مارے ءَ
زُومّے ءِ وَڈ ءَ دَجیت
یَکّ پۆلڈَرے وَت ءَ را لۆٹیت رۆچے رَنگے ءَ رَجیت
یَکّ پۆلڈَرے ءَ اێوک ءَ بُلَیدَہ اِنت
ھَیبَتان ءِ ھۆٹَل اِنت، اَکسے ءَ
مَوالیانی جَنَّت اِنت۔
زَبَرَّگ اِنت، چِلیمّ ءُ چاہ ءُ سُہبَت اِنت
ھَوالدار پیرُو اِنت
ھَسَن کَلَندَر اِنت، ھَبیب چانُو اِنت،
اَزیز ٹَکَّر اِنت
آ بے گَہ ءَ کُجام چِراگ ءِ بَدّوایے لَگِّتَگ
کہ اَنگا پہ وَت ءَ نَیَیت
آ دَمکاں پَد کُج ءَ وَتی بَباتَگ اَنت
آ ساہَتانی مُرگاں تاب دات سَر کُج ءَ وَتی
لَیب لَیب ءَ ، مَسکَرا، دْرُہا شُت اَنت یَبَّر ءَ ءُ پَشت کَپتَگ اێوکی
یَکّ پۆلڈَرے ءَ رَپتَگێن ءُ سِستَگێں تَوامێں سَنگَتانی یات
اَنچۆ اێر اَنت پُورَہ گْرانێں جِنتِرے دِل ءِ سَر ءَ
یَکّ پۆلڈَرے <اِم>اِرُتیک اِنت
چارَگ ءِ وَڈ ءَ نَہ اِنت ءُ کَسّ ءَ پێش دارَگ ءِ وَڈ ءَ نَہ اِنت
مُہَبَّتانی چاڈ اوں چۆ کارُباری اَیڈا
دیدَگانی دێم ءَ مِرمِرانک بَنت ءُ پِر گْوَز اَنت
بُج اَنت ءُ آپ بَنت چۆ تاکچَہانی مۆمبَتّیاں
بَرے بَرے سْویت ئِے ئے بَشانَگ ءَ وَ آزماں سَر ءَ کَپیت
دو پَیک جۆنی واکَر ئے، یَکّ کَنڈُمے
<اِم>تْوِلوِ پُینت اِیگہت ڈالَر ءَ کَپیت
یَکّ تْرانَگے چۆ واِرَسزَدێں پْرۆگرامے ءَ <اِم>اَپِّکتِد اِنت
دَر ءَ نَرَوت <اِم>رِجِکتِد اِنت
اِے زِندَگی وَتی تَہا
بَرے بَرے گُش ئے بَلاہێں اَژدیاے ءِ ھَڈَکَّہی دَپ اِنت
<اِم>پُوککِد-اُوپ اِنت
تَوامێں جێڈَگانی پێچ، پێچ بَنت پَر رِچ اَنت
مَنی ھَیال ءِ اِسکِرینا باز پۆلڈَرے اَنت، پَچ اَنت
<سترُنگ><اِم>اَلیجاں داد