زَہگ نَل ءِ کِرّا اوشتاتَگَت ءُ چَہ نَل ءَ رِچۆکێں آپاں چارَگ ءَ اَت۔ چَہ پِت ءَ جُست ئِے کُت، “اَبّا، اِے آپ چَہ کُج ءَ پێداگ اَنت؟”
پِت ءَ گُشت، “چَہ کَور ءَ ۔”
چُکّ ءَ گُشت، “مَن ءَ کَور ءَ پێش دار”۔
پِت ءَ چُکّ کَور ءِ سَر ءَ بُرت۔ وَہدے دوێں کَور ءِ کَلانٹَگ ءَ اوشتاتَگَت اَنت، چُکّ ءَ پِت کَور ءَ تێلانک دات ءُ وَت تَچانا لۆگ ءَ اَتک ءُ گۆں مات ءَ گُشت ئِے۔ “اَمّاں، اَمّاں! بَل ءِ کَن، نَل ءَ پَچ کَن کہ پِت پێداگ اِنت۔”