Distagat

Sayad Háshomi October 10, 2026 137 views

Man parandushigén wábá malgozáré distagat
Malgozáray dámoná bági anáré distagat

Man nazánán ke kai baht o nasibá jah jatag
Zi gamáni kárawánay man katáré distagat

Hamrahán cha sestagén mardáni rangá béwasén
Kárawánay danzay démá man gobáré distagat

Dast bandán ke wati thahláni lahdhán kamm bekan
Ke pamé rahá man chakpróshén taláré distagat

Dozhmené zánán pa lálay háterá pédák kotag
Dushi wábá bédamén yakk syáhmáré distagat

Kamm nabit bésári gahgirén sar o mawjén delay
Man nazánán embari chónén baháré distagat

Rad choshén nawarán Sayad man dompará, yát ent maná
Goddhe cha shash máhá man Hánol pa gedáré distagat

Kalákóth - Karáchi
Saysambeh, 2-Jun-1953

Sayad Háshomi

Hamrangén nebeshtag