Cha gesá jenday darándhéh án hesábé chónén
É mani goddhi sapar bárén azábé chónén
É mani goddhi sapar bárén azábé chónén
Kandhagá ér bedant róch sará rózardán
Gón kayá bahr kanán zerday nasaggén dardán
Gón kayá bahr kanán zerday nasaggén dardán
Yát kayt hoshkén tai dár maná wáe watan
Pa tai pahrézá sará bastag madháyáni kapan
Pa tai pahrézá sará bastag madháyáni kapan
Hecch namannit delon pa wati dhéhá mamerán
Ganjén kóhán o zerá nilén bebakshán degerán
Ganjén kóhán o zerá nilén bebakshán degerán
Mádari melkatán máliát dari dhong gerant
Zórén dahyakk o shashek o gatthah o song gerant
Zórén dahyakk o shashek o gatthah o song gerant
Grán kaptag pa maná cha wati hankéná sedag
Didagán ars shalant ázagén del ón zadag
Didagán ars shalant ázagén del ón zadag
Pollén pézhgáhay konar, sabzén chenálay sáheg
Taptagén tabd o lewáráni mani hamsáheg
Taptagén tabd o lewáráni mani hamsáheg
Chincho támór ent begend chárdahay pollén mahkán
Jahl kaptag cha wati shán o madháyán ensán
Jahl kaptag cha wati shán o madháyán ensán
Bretkagén bir ant pa taw Sammién ahday mahram
Sraptagén góndhal ant Sháriay gorunákén chamm
Sraptagén góndhal ant Sháriay gorunákén chamm
Kóh óshtát nakant johday talángay démá
Chest zrombeshté, begend Ájezén wángay démá
Chest zrombeshté, begend Ájezén wángay démá
Majid Ájez
