Chammy sotkagetant, pónzy thong kanag bitagat, dapay dantán gón lonthán hawár gadhetagetant. Bálády thong thong at, jáhé dág dayag o jáhé thong chenag bitagat. Sártén jóny ke lógay pézhgáhá ér at, pajjárag nabut, bale nóksirén áiay lógbánoká pajjáh áort.
Á Chákar at ke do sál pésh zóránsari bégwáh kanag bitagat.
Kashá zály gón nonnokén chokká neshtagat, arsy shalán atant. Nonnoká samá nést at ke áiay petá á nadist o rapt. Áiá say máh at ke siry kotagat. Nonnok ke but, pet zendánig at.
Jan wadárá neshtagat ke áiay lógwájah áju bit o wati nonnoká baddhá kant, parpathá sawár kant o Garokká pa gardagá bárt. Bale é wáb hamá róchá kall butant ke petay sártén jón nonnokay démá ér at. Petá wa wati chokk nadist bale nonnoká petay jatkén báláday didár kot, hamá bálád ke nun áiá kópagá nakant o kawrá pa ápay cháragá nabárt.
Ozayr Balóch