Haminchoká cha zahiráni mohragán sestag
Kaséay yát zeminá cha rishagán sestag
Ajab naent é aybá delé bepahrézit
Kaséay mehr cha wazhbuán kandagán sestag
Á jágahá ke delé wáb o wáhagé sáthit
Á drachk mardomán dér ent cha sáhegán sestag
Damáné bit ke mani sáh porr nabayagá ent
Ke purah yár mani dóstén didagán sestag
Chonén hayálé darándhéhi mósomán zortag
Chonén zahiré wati halk o métagán sestag
É hár o hawr ke wayránagá pa shaydá ant
Eshán zemin cha péshi nedáragán sestag
Á hardén murkán mojénit zamánagay paymá
Man zánán Shams wati kabgi mallagán sestag
Shams Tabréz