Ázmánkok
Náku!
Awali bar at ke Náku mani wábá atk. Wati modámi jáhá neshtagat. Man pa káré cha hamé ráhá gwastán dán gendán ke Nákuá dast sará ant o chortéá kaptag.
Man pa Nákuay thóhénagá pád trápéntant bale Náku soddá naat o watigán at. Maná ópár nashot. Man shotán o áiay saray báná óshtátán o gosht, “Mani pollén Nákuá chón ent?”
Nákuá sar chest nakot, dast nasoréntant, bass gón góshán kap o makapén anchén nezzhagéá gosht, “Nákuay mát band ent, dary kanagá káyay gón?”
Man bétwár bitán o wati ráh gept.
Nákuá kukár kot, “Bósht, kojá raway? Taw ché gosht Náku kessah kárit o wazhgappi kant o taw nenday watá chó modámi wazhnód kanay?
Bósht marchi Nákuá taw pakkár ay. Kojá raway? Marchi man án, bándá taw ay.”
Dán mani góshán kár kot, Náku éok o tahná wati modámi jágahá neshtagat bale é bari kessah árag o wazhgappi kanagay badalá tawárá at.
Chó maná harkas wati pádáni mayár at.
Nán Náku o nan Nákuay goddhi dánkán ke “marchi man án, bándá taw ay” kasé kemár kanagá at.
Man jolgahén shahray damkán rawán atán. Rawán rawáná sar kabrestáná kapt. Nezze man kabráni tahá máté gón do chokká zokkortag o maná tawárá ant. Man drekk bastant, hamincho démá rawán bitán, mani pád watá dárán bitant, gósh mekk bayán o chamm dar godhán bit ant, dán jend kapt. Chammán syáhi áort o cha sodd o samáyá shotán. Mani sar mátá kotthá kot o góshán Nákuay kessaháni tawár at…!
Hasá Bejjár