Ázmánkok: Náku
............
“Áshób mordábád”
“Hán Náku?” Náku ke mani kashá neshtagat, man jost kot.
“É chónén rastaré mani chokk ke eshiá mahluk chath kot.”
“Kojám rastar? “
“Hamé ke shomáy áshób goshet. Má nazánt chosh bit. É wánendahén nógolén warná o shirangén Kádhán pelekkán ent.”
Padá Náku negotth but o man ham hecch nagosht o bass Náku cháret. Nezze man Nákuay chammán nilén zeré chawl janán ent o áiay démay krechkáni hamok tal bénámén kabráni kabrestáné ke áiay tahá bárén chónén mardom kall ant.
Man hamé bénámén kabr o Nákuay bárawá hayál kanagá atán o delmánag atán ke josty kanán ke “Náku! Tai delá é rastaray eláj chi ent?” dán Nákuay jágah ent. Man wassará gosht. "Náku, eshiay eláj mardom ent. Mardom haminchok géshter bant, haminchok zit bakawle taw áshób mordábád bit o nám o neshány namánit, tai ájuén dhéhá.”
Hasá Bejjár