Delay nádánián gend ke
Chó teblá gerr bandit, chiwalit
Chó lágá sákem nabit parchá
Man hayrán án delán may
Bránz gón pa wat
Chó mudkasshá gwaján ent zántay bandikán
Ragán pinzhár bastag hón
Chó daryáay chawlán lahdh jóshán ent
Bale angat goshay arwáh
Salámat mortagén armáná ranjéntag
Shahidi wáhagán gón wat
Napaskasshay baháray dawr sabzéntag
Beambázán
Wati gár atkagén ranján bepalgárán
Maná ché bit
Damáné gón wati jendá
Tai sarshoshtagén yátán beshóházán
Taw béhál ay
Bale angat maná yát ent
Ke taw sawgendé gwandéntag
Pa badrangén jahánay zinatán wábán yalah kan
Taw dege jáhé
Man emrózay adhán palgáragay
Wáhag delá zortant
O jonzán án
Kadi bit taw chó Báláchay rawáján rang zurán bay
Chó baksháay asáyá jekk janán bay
Pegr bálénay
Ke nájódhén Alimay sagg o ópárá
Nadimay tawkalá kóhén
Dege ché kot kanay pa makkahén mátá
Watá zuray yá sarjamén rájay dardán sénagá banday
Menáj Moktár