اِے کَرن ءِ ساہِگ ءِ آس ءَ کَسے کہ سَر نَیَیت اِنت
مَنی زِمین ءِ پُتێنکاں چَہ دْرَچکے دَر نَیَیت اِنت
مَنی زِمین ءِ پُتێنکاں چَہ دْرَچکے دَر نَیَیت اِنت
اِے کۆہ ءُ کَور پہ تَئی گِندُکے ءَ نادراہ اَنت
اَنارگرۆہَگێں بِچکَندَگے نِزَر نَیَیت اِنت
اَنارگرۆہَگێں بِچکَندَگے نِزَر نَیَیت اِنت
بِگِند باتِن ءِ بے وانکی مۆدَگے جێڈیت
آ کُونج اَرس ءِ رَمے دیدَگاں گِسَر نَیَیت اِنت
آ کُونج اَرس ءِ رَمے دیدَگاں گِسَر نَیَیت اِنت
داں آپ ءِ کالک پَدا گْوَپت اَنت زِر ءِ کَوش ءَ
گُبارشُشتَگێں سِترانی رَنگ دَر نَیَیت
گُبارشُشتَگێں سِترانی رَنگ دَر نَیَیت
اِے گُنگُدامێں تَب ءِ ھاجَت ءَ را کئے پَہمیت
چَہ ساہِگانی زُبان ءَ کَدی ھَبَر نَیَیت اِنت
چَہ ساہِگانی زُبان ءَ کَدی ھَبَر نَیَیت اِنت
بَلۆچ ءِ ھۆن ھَمُک دْرَچک ءِ شَہرَگ ءَ پِٹّیت
آ سَرمَچار کہ کۆہ ءَ بُرَوت دُبَر نَیَیت اِنت
آ سَرمَچار کہ کۆہ ءَ بُرَوت دُبَر نَیَیت اِنت
بِباتاں گێش مُرادیگ پہ وَت ءَ اَرماں
کہ تَئی اَبێتکیا تَہنائی ئے اَسَر نَیَیت اِنت
کہ تَئی اَبێتکیا تَہنائی ئے اَسَر نَیَیت اِنت
ھالِک اَرماں