(نَدر پہ شَہید داکتَر کَمبَر مُبارِک ءَ )
مَنی اَلّاہ، مَنی مَولا، مَنی رَبّ!
اَجَب ھَیراں باں وَہدے مَن جێڈاں
مَنی رَنگێں شَرابی گَندَکارا
تَو چۆنێں بے بَہائیں گَوہَرے دات
مَن یَکّ سِلکارے آں، مَن چے بِزاناں
بلے اِینچ مَن زاناں مالِکُلمُلک!
شَہیدی لَیب لَیب ءَ کیسَگ ءَ نَیَیت
تَو اِے دادا ھَمُکّ شَکس ءَ نَبَکش ئے
تَر ءَ را پہ مَن ءَ لَکّ مَہربا اِنت
مَن ءَ بِلّ ئِے زَمانَگ ماں جَساں جَنت
تَو کَمبَر تَنگَہێں تاجے سَر ءَ دات
مُبارِک کازی