دُنانی مێنَگ ءَ بِلِّت مَن ءَ را
لاتاراں سینَگ ءَ بِلِّت مَن ءَ را
لاتاراں سینَگ ءَ بِلِّت مَن ءَ را
گُل ءِ رَکّانی سَوگاتاں گِراں مَن
چۆ شیر ءُ بے نَگ ءَ بِلِّت مَن ءَ را
چۆ شیر ءُ بے نَگ ءَ بِلِّت مَن ءَ را
شُما مِہراں بِگِندات ئے جَہان ءَ
پہ کَست ءُ کێنَگ ءَ بِلِّت مَن ءَ را
پہ کَست ءُ کێنَگ ءَ بِلِّت مَن ءَ را
ھُدا زانت اِنت کہ کَئی نام ءَ گِراں مَن
گُل ءِ نازێنَگ ءَ بِلِّت مَن ءَ را
گُل ءِ نازێنَگ ءَ بِلِّت مَن ءَ را
مَن آں کازی، مَن رۆچ ءِ رازدار آں
شَپ ءِ تُرسێنَگ ءَ بِلِّت مَن ءَ را
شَپ ءِ تُرسێنَگ ءَ بِلِّت مَن ءَ را
مُبارِک کازی