مئے واہَگ ءُ مُراد ءُ جُہد ءُ جَپا ئے نام اِنت
مئے سینَگ ءَ کہ نَکش اِنت، پُلّێں پِدا ئے نام اِنت
سَد رَند ءَ سَمبَہێناں ھۆناں گۆں گُلزِمین ءَ
پہ مَن اِے داِمی زِند جُہدانی ساہ ءِ نام اِنت
شِنگ اِنت کُہسَراں نوں مئے اِلم ءُ زانت ءِ دُنیا
مئے رُژن ءِ کَلکَشانی مئے زِند ءِ جاہ ءِ نام اِنت
تَئی دْرۆگ ءُ مَگر ءُ ھیلَہ تَئی گُڈّی مِنزِل ءُ راہ
مئے مِہر ءِ گَنجێں دْرۆشُم مئے جُہد ءِ بْراہ ءِ نام اِنت
پہ مَن سَتَر بُگوار ئے تَو نَپت ءُ بیر ءُ آساں
ھَمبَل مَنی گُلێں ڈێہ اِیمان ءِ راہ ءِ نام اِنت
ما تاں اَبَد نَمیراں چۆش کہ جَہاں مانیت
مئے گُشتِن ءُ بْیاناں پُلّێں سَباہ ءِ نام اِنت
2 مَئی 1988۔ بَلّ نِگوَر۔
بَرکَتَلی سَجّاد۔