تَرا دَمانے چارِتَگ، وَت ءَ نَدیستَگ گْوَستَگاں
تَو ئے چَہ شَہر ءَ لَڈِّتَگ، مَن آں کہ لُگا سِستَگاں
تَو ئے چَہ شَہر ءَ لَڈِّتَگ، مَن آں کہ لُگا سِستَگاں
نہ دیستَگ مُلکی مَردُمے، نہ وَنتَگ نۆکێں مۆسُمے
وَت ءَ را گْرێتَگ اێوک ءَ، وَتی نِگاہاں رِتکَگاں
وَت ءَ را گْرێتَگ اێوک ءَ، وَتی نِگاہاں رِتکَگاں
ناں آزماں لَرزِتَگ، ناں گُلزِمین جُمبِتَگ
نَزاناں مَن چِہ کْیامَتے، کہ اَچ وَت ءَ شِتِرتَگاں
نَزاناں مَن چِہ کْیامَتے، کہ اَچ وَت ءَ شِتِرتَگاں
مَنی تَہا دَرامَدے، وَت ءَ گۆں ماں گیشِتَگ
ھُدا بِزانت چِہ کِسَّہے، ما دو پہ دو نَنِشتَگاں*
ھُدا بِزانت چِہ کِسَّہے، ما دو پہ دو نَنِشتَگاں*
اِے زِندمان ئے رَہسَر اِنت کہ نَوبَتاں گُبار کَنت
کَدی تَو بارێں گْوَستَگ ءِ، کَدی مَن بارێن اَتکَگاں
کَدی تَو بارێں گْوَستَگ ءِ، کَدی مَن بارێن اَتکَگاں
مُلُور، وانگ ءُ سَربَتَگ، تَکانسُر ءُ تَپَرکَہ اِنت
اِے مَردَک ءَ ماں جاگَہے گُش ئے دُچار کَپتَگاں
اِے مَردَک ءَ ماں جاگَہے گُش ئے دُچار کَپتَگاں
…………………………۔۔
* نَنِشتَگاں = نَنِشتَگێں
ھالِک اَرماں