Tará damáné cháretag, watá nadistag gwastagán
Taw ay cha shahrá laddhetag, man án ke logá sestagán
Na distag molki mardomé, na wantag nókén mósomé
Watárá grétag éoká, wati negáhán retkagán
Nán ázmán larzetag, nán golzemin jombetag
Nazánán man che kyámaté, ke ach watá shetertagán
Mani tahá darámadé, watá gón mán gishetag
Hodá bezánt che kessahé, má do pa do naneshtagán*
É zendmánay rahsar ent ke nawbatán gobár kant
Kadi taw bárén gwastagay, kadi man bárén atkagán
Molur, wáng o sarbatag, takánsor o taparkah ent
É mardaká mán jágahé goshay dochár kaptagán
…………………………..
* naneshtagán = naneshtagén
Hálek Armán
Hálek Armán