بْیاِت زَگرێں ھۆن بَہا اِنت
بْیاِت زَگرێں ھۆن بَہا اِنت
ھَر سَہدارا ھۆنے سَر ءَ اِنت
بْیاِت زَگرێں ھۆن بَہا اِنت
آپ ءِ پَیم ءَ ھۆن تَچان اِنت
دَست اِشیا دُرسانی مان اِنت
بارێں پَرچا چۆ اَرزان اِنت؟
یَکّ جُستے دێراں چَہ دِل ءَ اِنت
بْیاِت زَگرێں ھۆن بَہا اِنت
باز ءَ پُرّ کُت تاس ءُ کاسَگ
بازاں اێر کُت دێم ءِ تۆشَگ
اَنگَت زَگرێں ھۆن نَسِرتَگ
اَنگَت زَگرێں ھۆن نَسِرتَگ
مئے دِل اَنچۆ ھۆن سَپا اِنت
بْیاِت زَگرێں ھۆن بَہا اِنت
اِے مئے لَجّ ءِ سُہرێں ھۆن اِنت
بے لَجّانی بَڈّ ءَ جۆن اِنت
وَتی ءُ دَرامَد ھَرکَس گۆن اِنت
وَتی ءُ دَرامَد ھَرکَس گۆن اِنت
بَہر نَبیت چۆ پَہکێں تِلا اِنت
بْیاِت زَگرێں ھۆن بَہا اِنت
ھَر سَہدارا ھۆنے سَر ءَ اِنت
بْیاِت زَگرێں ھۆن بَہا اِنت
(شال۔ 1976)
ھاں سابِر
Hán sáber