دِل پَدا دَرداں دُچار اِنت ھانُل ءِ
واہَگانی کِشک ءَ گار اِنت ھانُل ءِ
واہَگانی کِشک ءَ گار اِنت ھانُل ءِ
زِندَگی بارێں کُج ءَ ماں گیشِتَگ
راہ ءَ اَنگا چَمّ ءُ چار اِنت ھانُل ءِ
راہ ءَ اَنگا چَمّ ءُ چار اِنت ھانُل ءِ
ھَرکَسے سَر بُوت مِہر ءِ مِنزِل ءَ
بَسّ مَن ءَ تَہنا وَدار اِنت ھانُل ءِ
بَسّ مَن ءَ تَہنا وَدار اِنت ھانُل ءِ
دیدَگاں اَرس ءُ دِل ءَ وَیرانیے
آیَگ ءِ پہ مَن بَہار اِنت ھانُل ءِ
آیَگ ءِ پہ مَن بَہار اِنت ھانُل ءِ
گْوَر جَتَگ اَییُوب گَنۆکی ءَ بلے
زاناں مِہرانی شِکار اِنت ھانُل ءِ
زاناں مِہرانی شِکار اِنت ھانُل ءِ
اَییُوب پُلّاں