کئے ءَ گُشتَگ مَنیگ ءُ مَہپَری ءِ سُہل ءُ تراں بُوتَگ
اَگاں بُوتَگ بِزاں بیست ءُ نُہ ءِ شَپ ماہِکاں بُوتَگ
اَگاں پہ ھَرکَس ءَ نازانی بانُک مِہرَباں بُوتَگ
بلے یَکّێں مَنی گَہ گِپتَگێں سَر دَرمَیاں بُوتَگ
دِل ءَ سِند اَنت پہ نازانتی گْوَش اَنت آتکَگ مَنی کُلّ ءَ
کہ دۆشی دَروَری پُلّانی گۆں بُو ءُ دُناں بُوتَگ
مَیَتکێں پہ مَن آئی ءِ نَپَر شَرّ اَت کہ مَشُتێناں
کہ کَہرێں دُژمِنانی جَورێں دیوان ءُ سْرَپاں بُوتَگ
کَناں مَن جی ءُ جاں مَرگ ءَ کہ بانۆرِش کُتَگ ھانُل
پہ دِگِراں اِنشَپی ءُ دۆشی گۆں مَن جی ءُ جاں بُوتَگ
زُبانُن شَہد ءُ پُرگال اِنت ھَبَرزانتانی دیوان ءَ
گِسَدگُپتارے ءِ دِل زاناں پہ مَن مِہرَباں بُوتَگ
رێکسَر، کَراچی
11 مَئی 1952
سَیَد ھاشُمی
Sayad Háshomi