آہَگێں اَرمانے چَمّ ءِ، پْرُشتَگێں وابے دِلے
زِند راہے دُژمِنے ءُ مَرگ یارے مِنزِلے
زِند راہے دُژمِنے ءُ مَرگ یارے مِنزِلے
کُدرَتاں گۆں تاب ءُ پێچاں اَنچۆ بُتکَگ مئے گُماں
بَرپ آپ ءِ رازدارے، آس سَبزێں جَنگَلے
بَرپ آپ ءِ رازدارے، آس سَبزێں جَنگَلے
تَئی نِگاہاں بُوت کَنت کہ سَرمَچارے پہ وَتَن
مئے ھَیالاں زِندَگی مئے شْوانَگے، کۆہے، نَلے
مئے ھَیالاں زِندَگی مئے شْوانَگے، کۆہے، نَلے
پُرّ بیت ھۆرکێں نِدارَہ کَپتَگێں کَلّیگ تَئی
گَپّ تَہنا تَوکَلَئێگ اِنت، بَسّ پَکار اِنت ھَمبَلے
گَپّ تَہنا تَوکَلَئێگ اِنت، بَسّ پَکار اِنت ھَمبَلے
دَر چِتَگ تابان ءُ جَنگ ءِ کِشک وَت ما گُل گُڈا
تیر ءِ ٹَپّے سێنَگ ءَ مئے پاداں بْراہیت تْراوَلے
تیر ءِ ٹَپّے سێنَگ ءَ مئے پاداں بْراہیت تْراوَلے
آہُوگ گُل