آیَگ ءَ ئے تَو کُلَوے ماں بَہار ءَ گۆن اِنت
اَنچێں نیمۆمے مَنی کۆرێں دِل ءَ را گۆن اِنت
اَنچێں نیمۆمے مَنی کۆرێں دِل ءَ را گۆن اِنت
دَرد ءِ سَکراتێں ھَوَسّاں مَن نَگیشاں پَرچا؟
چۆنێں اِسرارے تَئی اِشک ءِ وَدار ءَ گۆن اِنت
چۆنێں اِسرارے تَئی اِشک ءِ وَدار ءَ گۆن اِنت
زانا اِے بَنگ ءُ شَرابانی نِشَہ اِنت کہ پْرُشیت؟
آ، دِگِہ چاڈے مَنی چَمّ، ھُمارا گۆن اِنت
آ، دِگِہ چاڈے مَنی چَمّ، ھُمارا گۆن اِنت
سال ءُ ماہانی اَبێتکیا دَمان ءَ پْرۆش ءِ
اَنچێں یَکّ لِزَّتے دِلبَر تَئی تَوار ءَ گۆن اِنت
اَنچێں یَکّ لِزَّتے دِلبَر تَئی تَوار ءَ گۆن اِنت
راست ءُ دْرۆگانی مَتاہاں چَہ گِسَر باں زاناں
وَہد ءَ پَیگَمبَری سَوگاتے پہ مارا گۆن اِنت
وَہد ءَ پَیگَمبَری سَوگاتے پہ مارا گۆن اِنت
چۆ مُرید ءَ اِنت پَکیرے تَو بِزان ئے ھانُل
آ تَئی دیدار ءِ سِپاہی اِنت، کَتار ءَ گۆن اِنت
آ تَئی دیدار ءِ سِپاہی اِنت، کَتار ءَ گۆن اِنت
اِے مُسامانی کَزا ءَ گۆں اِساک ءِ ھاٹیگ
چینچو دَم بُرتَگێں ھَمراہے کہ یار ءَ گۆن اِنت
چینچو دَم بُرتَگێں ھَمراہے کہ یار ءَ گۆن اِنت
اِساک پِدا