یاد کَناں تَئی رۆلَہێں رَکّاں، بے گاہاں بے وار کَناں
کَمّے تَہاری دَر گێجان ءُ اِستارے، اِستار کَناں
کَمّے تَہاری دَر گێجان ءُ اِستارے، اِستار کَناں
چۆش نَہ اِنت کہ یَکّێں رۆچ ءَ سَجَّہێں یاراں شۆہازاں
چَندے دُژمِن گیر آران ءُ چَندے شَرّێں کار کَناں
چَندے دُژمِن گیر آران ءُ چَندے شَرّێں کار کَناں
دانکہ دیرێں مَردُم بْیا اَنت، بْیا اَنت اِنت نَزّیک ءَ مَنی
مَن ھالیگێں چَمّے چاراں، مَن یَکّ وابے گار کَناں
مَن ھالیگێں چَمّے چاراں، مَن یَکّ وابے گار کَناں
سَوداگِر گۆں بِچکَندے ءَ کْیاس کَن اَنت، کَندۆکێں دَپاں
شَہراں کا ئے ھِچّ مَگُش کہ شَہر دِلاں آوار کَناں *
شَہراں کا ئے ھِچّ مَگُش کہ شَہر دِلاں آوار کَناں *
پُلّ چَہ داراں زێبا اَنت ءُ تَو چَہ پُلّاں زێباتِر
تَئی شَہمے ءِ شۆہاز ءَ مَن کۆہے باں، اوپار کَناں
تَئی شَہمے ءِ شۆہاز ءَ مَن کۆہے باں، اوپار کَناں
دیدَگ اَنگا سُہرێں دێمے، دیر جَلَکشیت، بے رَہ کَنت
بے رَہ کَنت کہ نَزّیکیا شَرّێں مَردُم زار کَناں*
بے رَہ کَنت کہ نَزّیکیا شَرّێں مَردُم زار کَناں*
* آوار جَن اَنت
* زَہر کَن اَنت
* زَہر کَن اَنت
شَہمیر دیدَگ