بْرِتکَگێں اوستانی سۆزماں اِنسِریت بارێں کَدی
نَوبَتاں وَشّێں زَرۆکێں دِل تْرَہیت بارێں کَدی
شادِہانی جُہد ءِ سالۆنک ءِ پہ گْوَرَمبازے ءَ
وَشرَواجێں وَہد ءِ بانۆر سَمبَہیت بارێں کَدی
کُہتاں آزماں کَنت سَرشاں گۆں رَگامی گْوارَگاں
پُلوَدارێں دیدَگاں اَرسے شَلیت بارێں کَدی
مِہر ءِ آس ءَ سُتکَگێں پیردان ءِ سْیَہڈَنّێں پِڈ ءَ
سُہرچَک ءُ آتارێں یَکّ پُلّے سْرَپیت بارێں کَدی
گُلامَہمَد بَلۆچ
Golámahmad Balóch