ھَلوَتے گۆں وَت ءَ بِکَنت مَردُم
اێوکی ءَ رَزا بِکَنت مَردُم
بے سَمائی ھَزار رَنگ ءَ اِنت
رَنگ رَنگ ءَ سَما بِکَنت مَردُم
آزمانے سَر ءَ بُزُوریت ءُ
آزمانے سَر ءَ بِکَنت مَردُم
بے گُناہی کہ یَکّ گُناہے گُڈا
اِے گُناہ ءَ پَدا بِکَنت مَردُم
پِٹُّکے ھۆن ھَم دِل ءَ ماں نێست
کہ چِراگ ءِ تَہا بِکَنت مَردُم
سُہتَگ ءُ سْیاہ اِنت مَیزَرێں بۆلاں
زْیا تَئی چۆن گَم ءَ بِکَنت مَردُم
<سترُنگ><اِم>زْیا بَلۆچ