زِند ءِ گَم ءُ ھَیالاں تَوجیل ءُ راہے نێست
مئے سْیَہشَپان ءَ ھِجبَر زاناں سَباہے نێست
لێکیت گَنۆک ءُ نابُود ھَمبَل مَن ءَ جَہانے
تَو اوں بُگُش مَن ءَ را، تَرا ھَم گُناہے نێست
چَہ زِند ءِ ماہِکان ءَ داں زِندَگ ایں زِبَہر ایں
مئے بَہت ءِ آزمان ءَ اِستار ءُ ماہے نێست
تَپتَگ زِمین اِے گَنجێں رۆدازماں نیلێں
مارا ماں اِے جَہان ءَ ھَنکێن ءُ جاہے نێست
مَنی زِندَگی ءِ تۆشَگ تَئی مۆلُم ءُ ھَیال اَنت
بێدِ اِشاں مَن ءَ را مال ءُ مَتاہے نێست
<سترُنگ><اِم>بَشیر بێدار