مئے دِل ءِ پاکێں کُران ءِ اَووَلی آیات بَئے
زِندَگ آں چۆ کہ ھُدا ءَ تَو مَن ءَ را یات بَئے
چێر گێجاں دیدَگاں مَرچی اُمێت ءِ دامُن ءَ
رۆشَماں کا ئے تَو بَلکێں پہ مَن ءَ ھَیرات بَئے
چۆن تَرا بے ھال کَناں مَن زِند ءِ چَکّاس ءِ تَہا
تَو ھما لَبز ئے ھَمُک تاک ءَ دِل ءِ بِندات بَئے
بے نَگێں رَکّاں بِگِر تِنگے، دِل ءِ تُنّ ءَ بِبَر
مئے وَڈ ءَ بِلّ ئِے چَہ اِمرۆز ءِ گَماں آزات بَئے
اُمرے ءَ پُرّێں سُچان آں واہَگ ءِ آس ءَ تَئی
زێبَلُک تَو چۆن مَن ءَ را پہ دَرامَد شات بَئے
چۆن نَترَکّیت شَیمُریدێں دِل شَپاں پہ تَلوَسَگ
تَو کہ چۆ دَور ءِ پَکیرێں آجِز ءَ بے بْرات بَئے
<سترُنگ><اِم>مَجید آجِز