اُمر ءِ کَرار، زِند ءِ بَہاران ءُ پێشتِر
تَو دَر شُت ئے چَہ اَجگێں وَداران ءُ پێشتِر
مَرگ ءِ تَوامێں رَسم مَنی نێمَّہتَل اَنت
اِمرۆز ءِ پَشت کَپتَگێں کاران ءُ پێشتِر
سَر گِپتَگێں سَوار وَتی دَنزاں زُور گۆں
چَہ ھاکُمی ئے کَول ءُ کَراران ءُ پێشتِر
کَمّ کَمُّکا زَہیر تَہا اِنسِراں کَن اَنت
تَئی رَپتِن ءَ ءُ رَند، وَداران ءُ پێشتِر
ھَر نێمَگ ءَ تَبیب رُدیت، ٹَپّ واد کَنت
اَہد ءِ گَمانی اُگدَگُزاران ءُ پێشتِر
دَرد ءِ ھَمُک چُوڈ مَنی باتِن ءَ سْرَپیت
ھَر زَرَّہ اَنگَرے تَئی کُماران ءُ پێشتِر
<سترُنگ><اِم>تاج بَلۆچ