تَئی جِتائی دْرین سازیت ھَر دَماں
تَہر تَہرێں رَنگ شِنگیت آزماں
جێڈَگانی دَر بُج اَنت سَرہالے ءَ
لَبز مانایانی پۆل ءَ سَمبَہ اَنت
شَیر زێبائی ئے دَرپاں کَیل کَنت
ساکِمی ئے ساہِگاں دِل تراں کَنت
تَئی جِتائی پُلّے ءَ آتار بیت
زِندَگی پہ زِند ءَ اومانیگ بیت
اَندۆہانی سانکَلاں سازے بُجیت
آجُوی بَندێں دَریگانی شَم ءَ
دُور دُورا نَوبَتے پاس ءَ زَریت
تَئی جِتائی مۆسُم ءِ دَزگُہار بیت
کَوش گۆناپ ءَ پہ تُکشیت چَہرے ءِ
جُڈ پہ اَلہامی بَشارَت دَنت مُدام
نۆدشَنزێں ساہَتے چاگِرد بیت
زِر ھَیال ءِ چاڈ بیت ءُ چَول جَنت
<سترُنگ><اِم>کَدیر ساگَر